Como xa saberedes na nosa hortiña espigáronos os ravos e as escarolas, o pirixel non saíu ( que xa é raro), as cebolas moi cativas.... probablemente tiñamos que mesturar a terra con area para que drenase mellor, lembremos o xeito e lugar de construcción da mesma.
Hoxe levamos unha ledicia, por fin algo que se pode comer. A horta ten amorodos ecolóxicos que hoxe poideron degustar algún pequeno.
Logo de nos espigar os ravos e as escarolas, estamos mimando moito os pequenos froitos que, tímidamente, asoman na nosa hortiña.
Na aula de cinco tamén se segue a traballar por recunchiños, aprendendo a compartir, a organizar o traballo a axudar e recibir do compañeiro,... moitas das actividades desta semana estan relacionadas coas flores e co reloxo floral de Linneo que no seu día vos amosamos.
Seguimos a "recunchear", tentando traballar en pequeno equipo realizando tarefas plásticas, de motricidade fina, de creatividade, atención ou de lecer.
Todo un éxito o xogo que lles propuxemos aos cativos sobre foguras xeométricas, mostran a súa imaxinación e destreza manual. Encántaslle.
Seguimos coa operación:" salvar ao Érbedo" liberándoo de pulgón. Agora ademais das xoaniñas rociámolo con auga de hortiga.
Aos peques de infantil encántalle a tarefa. Graciñas, novamente, polas xoaniñas enviadas.
O venres pola mañá todo o colexio recitamos ou lemos ao pe das árbores do noso patio textos relacionados coas árbores e a súa importancia para a nosa vida. Ademais rotulamos ditas árbores con carteis que tiñan o seu nome grabado. Esta era a actividade programada para o día da árbore e aplazada por mal tempo.
Na semana das letras galegas o alumnado de infantil poido coñecer a biografía do homenaxeado este ano: Xosé María Díaz Castro. Fixemos traballiños relacionados con el e aprendimos o poema " Esmeralda" que recitamos todo infantil o venres 16 pola tarde na biblioteca escolar.
