jueves, 24 de abril de 2014

Contamos hacia atrás.

Quedan 39 días lectivos e, co obxectivo de traballar o sistema numérico e a conta atrás, elaboramos nas dúas aulas o panel que se amosa. Agora o encargado do día ten outra tarefa máis: quitar o número que corresponde cada día e contar os que faltan, cara a diante ou cara atrás, en función da idade do encargado.

miércoles, 9 de abril de 2014

Representándonos.

Estes días estamos repasando contidos do trimestre, entre outros o esquema corporal. Estas fotos reflexan algúns traballos do alumnado de catro anos sobre como se representan a si mesmos en plastilina. Para a meu gusto, preciosos.

sábado, 5 de abril de 2014

Manuel Colmeiro.

Relacionado co proxecto deste curso quixemos facer unha aproximación dos peques ao mundo da arte. Traballamos a Manuel Colmeiro,  artista nado en Silleda. Vimos varias obras, principalmente as relacionadas coa sega. Logo profundizamos máis nunha que posteriormente tentamos reproducir traballando grafo, co repaso en rotulador dos trazos da obra e co coloreado e tamén contidos coma as cores e a mestura das mesmas.
Na aula dos máis pequenos ademais repasamos os contidos do esquema corporal facendo un " Manuel Colmeiro" da nosa talla.
Aquí deixamos o resultado

martes, 1 de abril de 2014

Conceptos matemáticos.

A mamá de Zaira regalounos unhas maquetas de móbil. Algunha pasou a formar parte da nosa casiña, para o xogo simbólico. Outras foron "reformadas". Pegáronselles os números do 1 ao 9, dun xeito claro. Con eles agora traballamos matemáticas nun recuncho. Os nenos confeccionan a súa lista de teléfonos coas fotos dos compañeiros e grafías dos números. Logo chámanse entre eles, marcando os números da lista e.... a conversar!!!
Graciñas á mamá de Zaira.