viernes, 6 de mayo de 2016

Xogalde - demostración de loita.

O noso cole leva anos participando en XOGALDE, deporte na escola. Este curso como novidade a Consellería enviou ao centro o grupo de loita das Cruces para facer demostración.
Aínda que estaba enfocada para alumnado de terceiro a sexto, os de infantil tamén fomos, non a participar pero si a mirar e coñecer un deporte diferente ao que están acostumados a ver ou practicar.

Máis actividades coas letriñas e co nome.

miércoles, 4 de mayo de 2016

Feira dos Carballiños.

Ás portas da celebración da feira dos Carballiños realizamos unha pequena saída ao lugar onde se celebrará dita feira.
Inicialmente e, as portas da biblioteca do cole, falamos dunha cita de Otero Pedrayo que fai referencia a dita feira.
Logo fomos ao lugar da celebración, vimos o muíño por un buratiño da parede, vimos o banco onde se fará a representación, o lugar onde estarán os animais, os xogos... E rematamos no palco aprendendo a botar foguetes con xestos e son, e bailando un pouquiño.

Visita do veterinario.

Os peques de infantil seguen a estudar os animais. Visitounos o papá de Unai, que é veterinario, e falounos do seu traballo. Ademais de resolver dúbidas, amosarnos moitas fotos de animais apoiadas de explicación e ensinarnos o uso dunha ferramenta súa de traballo, o fonendoscopio, ... Agasallounos con dous libros que estamos a ler aos poucos na asamblea e forman parte da nosa biblioteca de aula.