martes, 18 de febrero de 2014

Temos dúas arañas na aula!!!!

Este é un novo material, nada sinxelo, para traballar a motricidade fina. A  estas alturas xa somos quen de pegar gomets, insertar bolas, xogar coas pezas do mosaico, ... agora viñeron ao cole dúas arañas, un pouco enrevesadas, ás que os peques terán que quitar as bolas das patas e voltar a poñelas. Para iso deben facer pasar as bolas por un pauciño que terán que xirar e manexar.
O xogo pemite tamén facer seriacións empregando como criterio as cores ( bola verde- vermella- verde-... , por exemplo), xogar coas cantidades ( poñer catro bolas en cada pata, por exemplo),...
Aos nenos/as  gustáronlle moito, resultáronlle moi atractivas.

viernes, 14 de febrero de 2014

Polo día do San Valentín.... bicos e corazóns para todos.

Que é o amor? Preguntamos as mestras. Algunhas respostas dos vosos fillos:
- Quererse moito.
- Dar bicos ( e añaden) na boca.
- Ser amigos.
- A madriña ten un mozo ( esta fíxonos moita gracia)
- Eu quero a Alberto,  di outro.
-.....
No día de hoxe contamos no cole contos de amor da nosa biblioteca que achegan aos pequenos unha versión adaptada, as súas idades, do que é  o amor.
Ademais os pequechos fixeron tarxetas de amor, "aprenderon" a facer corazóns a partir dunha letra M, e recortaron corazóns cos que montamos a árbore do amor.
Os de cinco anos traballaron o bico e relacionárono coa arte, concretamente con unha obra:"El beso" de Klimt.
Así quedaron os nosos taboleiros.
E así marchamos para a casa coa cara chea de corazóns. Esperamos que algún chegara aos fogares para regalar aos seres queridos.

TITORIAL: "COMO FACER UN OVO FRITIDO"


Como xa saberedes agora está moi de moda os titoriais en internet.  Nos quixemos facer algún no noso blog. Iniciámonos nesto co tutorial de como facer un ovo fritido,  para aqueles que máis dunha vez tiveron que escoitar eso de...." non sabe nin fritir un ovo" jjjj

Non nos quedou moi ben, froito da espontaneidade, podería ser máis preciso nas explicacións, máis lento, mellor pronunciación, enfoque,... pero é o primeiro.
Con esa mesma expontaneidade queremos compartilo.
Eso sí,  o titorial amosa o traballo manual, especialmente de dedos, que require o modelar a plastilina. Eso é moi bo entrenamento especialmente para os cativos que teñen trazo débil e cansan ao escribir, colorear, non dan feito trazo firme, ...





jueves, 13 de febrero de 2014

Seguimos a cociñar coa plasti.

Esta semana cociñamos.... ovos fritidos, UMMM...
Agora xa discriminamolas cores. Pasámolo moi ben.
O traballo coa plastilina ten de fondo un amplo traballo de motricidade fina. Non é tan sinxelo para os cativos o feito de poñela blandiña, estarricala, facer bolas, churros,...
Ademais deste traballo motriz estan contidos como grande-pequeno, groso-delgado, enriba-debaixo, ... contidos que algúns aprendimos coa típica ficha de:" colorea o paxaro máis groso", por exemplo. E obxectivos como coordinación óculo-manual, a imitación dun modelo como base de aprendizaxe, secuenciacción de varias accións para un mesmo obxectivo, o traballo cooperativo, en equipo...