Hoxe celebramos o baile de entroido. Non sabemos como chegaron os vosos fillos ás casas, nos acabamos agotadas!!! Jjjjj.
Pasámolo moi ben. Bailamos, xogamos e rematamos a festa con piñatas cheas de lamberetadas.
Voltamos o xoves con unha sorpresa na biblioteca para os cativos.
Que teñades un bo entroido.
| Eu ben vin estar o moucho | ||
| enriba daquel penedo: | ||
| ¡Non che teño medo, moucho, | ||
| moucho, non che teño medo! | ||
Hoxe 24 de febreiro conmemoramos o día de Rosalía de Castro. Na aula de 3 e 4 anos escoitamos poemas de Rosalía e como foi a súa vida. Como nos pareceu un tanto triste acordamos, e xa que está ahí o entroido, disfrazar a Rosalía de paiaso para que se poña leda. Así, e xa que os luns å tarde soemos colorear seguindo un modelo, deixamos a Rosalía guapísima.
Cada o día o encargado ten que comentar o seu estado de ánimo. Ata o de agora dicía se estaba triste, contento ou enfadado. Nesta semana ampliamos os estados de ánimo e traballamos máis a linguaxe corporal. Creamos uns monicreques con distintas expresións faciais. O encargado de cada día terá que escoller un, o que el queira, e amosarllo ao resto facéndolles o xesto. O resto dos compañeiros respóstanlle coa mesma expresión.
Estos son os vosos fillos, da aula de cinco anos, traballando coa pirámide dos alimentos e contidos relacionados coa feira do cocido.
Este é un novo material, nada sinxelo, para traballar a motricidade fina. A estas alturas xa somos quen de pegar gomets, insertar bolas, xogar coas pezas do mosaico, ... agora viñeron ao cole dúas arañas, un pouco enrevesadas, ás que os peques terán que quitar as bolas das patas e voltar a poñelas. Para iso deben facer pasar as bolas por un pauciño que terán que xirar e manexar.
O xogo pemite tamén facer seriacións empregando como criterio as cores ( bola verde- vermella- verde-... , por exemplo), xogar coas cantidades ( poñer catro bolas en cada pata, por exemplo),...
Aos nenos/as gustáronlle moito, resultáronlle moi atractivas.
Que é o amor? Preguntamos as mestras. Algunhas respostas dos vosos fillos:
- Quererse moito.
- Dar bicos ( e añaden) na boca.
- Ser amigos.
- A madriña ten un mozo ( esta fíxonos moita gracia)
- Eu quero a Alberto, di outro.
-.....
No día de hoxe contamos no cole contos de amor da nosa biblioteca que achegan aos pequenos unha versión adaptada, as súas idades, do que é o amor.
Ademais os pequechos fixeron tarxetas de amor, "aprenderon" a facer corazóns a partir dunha letra M, e recortaron corazóns cos que montamos a árbore do amor.
Os de cinco anos traballaron o bico e relacionárono coa arte, concretamente con unha obra:"El beso" de Klimt.
Así quedaron os nosos taboleiros.
E así marchamos para a casa coa cara chea de corazóns. Esperamos que algún chegara aos fogares para regalar aos seres queridos.
Esta semana cociñamos.... ovos fritidos, UMMM...
Agora xa discriminamolas cores. Pasámolo moi ben.
O traballo coa plastilina ten de fondo un amplo traballo de motricidade fina. Non é tan sinxelo para os cativos o feito de poñela blandiña, estarricala, facer bolas, churros,...
Ademais deste traballo motriz estan contidos como grande-pequeno, groso-delgado, enriba-debaixo, ... contidos que algúns aprendimos coa típica ficha de:" colorea o paxaro máis groso", por exemplo. E obxectivos como coordinación óculo-manual, a imitación dun modelo como base de aprendizaxe, secuenciacción de varias accións para un mesmo obxectivo, o traballo cooperativo, en equipo...
Nas aulas de infantil, como xa vos indicamos en entradas anteriores, estamos a traballar os trazos, a motricidade fina,...cociñando con debuxos. A idea partiu dun fermoso libro que logo adaptamos as nosas aulas e aos nosos alumnos. Na aula de cinco anos trabállase lendo os nenos a receita e facendo según indica. Na aula de tres e catro anos, como aínda non somos quen de ler a receita e son algo complexas pois a mestra propón a receita cos trazos que lle interesa traballar ( bucles, cadrados, ...) e coas cores que tamén quere reforzar. Aos peques encántalle, ademais deixa voar a imaxinación.
Propoñémosvos agora algunha receita para que xoguedes nas casas cos vosos fillos. So tedes que imprimir a foto do prato que vos amosamos ou debuxalo e.... a cociñar!!!
A actividade permite traballar un sin fin de contidos dende trazos, cores, formas,... ata como poñer a mesa.
Como xa vos anunciamos, en breve empezaremos con un proxectiño sobre unha froitería, que nos permitirá traballar contidos como a alimentación, vocabulario, o sistema monetario, a lectura e escritura, contidos matemáticos, ... todo isto en función de cada idade. Xa vos informaremos máis polo miúdo do proxecto. De momento xa temos os folletos publicitarios listos, xa lavamos e colocamos a tenda, fixemos carteis, etiquetamos,... casi temos todo listo. Nesta semana contamos termiñar de perfilar obxectivos e contidos e.... a aprender xogando!!!
